我叫佢做希師奶嘅 葉劉淑儀 ,果然同大部分去美國留學啲香港膠人一樣,空有去美國留學嘅經歷,但唔明白美國人嘅方丈性格。佢反對香港人權及民主法嘅言論,被Republican Oversesa嘅CEO,共和黨大老Solomon Yue點名,要用Magnitsky Act煮佢重米,呢鋪見過希師奶都可以去仆街。
我介紹一吓Solomon Yue,美國政界有幾種人,一種係議員,但另一種類似台灣政黨大老嘅嘢,一樣唔忽視得,佢哋喺美國嘅政黨黨大會有high ranking(簡單嚟講,可以喺candidate人選問題上決生死),亦係籌款關鍵,所以呢類人唔得罪得,而佢哋唔係民選政客,佢哋講嘢硬淨好多。
Solomon Yue香港人唔熟,但美國喺政壇果啲知佢乜水,因為佢創立Republican Overseas,共和黨嘅吸錢機器。佢嘅background喺度,同肥佬黎類似,文革死裡逃生,然後白手興家致富嘅人。但最重要係呢句
Mr. Yue has a seniority ranking of 14 among the 168 RNC members
共和黨全國委員會排行第十四位嘅委員,你覺得呢條友有幾高,作為Trump嘅重要樁腳,Trump點會聽佢講。所以佢點名 葉劉淑儀 ,大家可以諗吓呢鋪希師奶得罪乜人。
而點解會提出希師奶,因為有人話香港人權及民主法案唔夠力,跟住Solomon Yue已經提出將各類美國現行立法合併使用,真係雞尾酒療法果個logic
然後有人話要將香港親北京政棍加入Magnitsky List,跟住,佢即講 葉劉淑儀。
而且 葉劉淑儀 美國有晒佢file,佢有家人喺美國,而我相信好多安排中國高官攞到香港身份證,或武警混入香港黑警做嘢呢啲嘢, 葉劉淑儀 係絕對知情,而且係有關,咁你話唔煮佢重米煮邊個。所以新民黨員,以及幫希師奶做嘢啲仆街,包括果位扮本土嘅英國公民,全部唔會走得甩。Solomon Yue公開講得出,就會有人deliver得到,唔會講笑。
我識好多喺美國名牌大學畢業嘅人,做咗藍屍,佢哋其實都係一班投機分子,一方面想做中國生意,一方面利用自己美國留學個朵,走去搞西方商業網絡。喺以往,美國人會容忍,正如美國商界喺1930年代都好支持德國納粹黨,1941年偷襲珍珠港後,仲同德國做生意啲美國公司全部要歸邊,依家香港危機就係要美國商界歸邊嘅turning point,二次大戰期間嘅總統小羅斯福係大少出身,所以佢知道點對付商界,呢次Trump直頭就係商家出身,唔只大少(佢屋企都有錢嘅),咁你話喇。
所以去美國讀書唔會令你認識美國,甚至做美國公司跑腿都可以好仆街,但一到大是大非之時,呢班友全部第一個死清光,依家 葉劉淑儀 嘅下場,大家有眼見,佢符合好多美國留學出身藍屍嘅特徵,唔郁佢郁邊個,咪當Solomon Yue呢啲人傻喇,佢識中文㗎。