容祖兒陳偉霆5年後「姐弟檔」再合作　《蒙面2》預告片睇住先

天后容祖兒（Joey）與同門師弟陳偉霆近年都於內地發展順利人氣高企，繼2016年Joey參加內地歌唱比賽節目《我是歌手4》決賽時力邀陳偉霆同台熱舞後，近日二人再度於綜藝節目《蒙面舞王》第2季同框合作，齊齊擔任猜評團，令人期待呢對「姐弟」檔組合會擦出咩火花！

而節目組率先公開二人各自嘅預告片段，其中一大班工作人員戴上印有陳偉霆樣子嘅面具，然後「真．陳偉霆」再驚喜現真身，並表示：「陳偉霆在這裏！」相當搞笑。至於Joey就大玩六連環表情包，模擬見到「蒙面舞王」時嘅各種表情，包括驚喜高呼、怕醜掩面、興奮咬唇等，大騷可愛一面。